Ua tula’i mo le ulua’i taimi i le faamasinoga le alii o loo tuua’ia i le faalavelave i Bondi i le aso 14 o Tesema 2025.
O le alii o Naveed Akram e 24 tausaga le matua, na tula’i i le faamasinoga e faaaogā ai se sootaga i luga o le video mai le falepuipui o loo iai ma e 59 moliaga o loo feagai ma ia e aofia ai le fasioti tagata faamoemoeina ma moliaga tau faatupu faalavelave.
O loo tuua’ia i le faatinoina o le faalavelave aupito ogaoga ua faia i Ausetalia na fasiotia ai tagata e to’a 15 ma manunu’a ai tagata e 40 i Bondi Beach.
Ua toe tolopo le matāupu se’ia aulia le aso 9 o Aperila e toe tula’i ai Akram i le faamasinoga ae ua lipotia i le 9News e iai poloa’iga a le faamasinoga o loo i luga o le matāupu lea e faatatau ia i latou na aafia i le faalavelave, ua tuuina iai le faitalia ia i latou pe fia faasoa faalaua’itele a latou faamatalaga i le matāupu pe leai.
O loo tumau foi le poloa’iga a le faamasinoga e faasā ai ona faailoa suafa o i latou ua aafia soifua aemaise o ē na faamanu’alia.
Puna o Faamatalaga: https://www.9news.com.au/national/naveed-akram-court-updates-bondi-shooter-utters-first-words-in-first-court-showing/11d980a2-4e80-4fb0-9783-e9346478bd1f
