O le a tula’i i luma o le faamasinoga se tama’ita’i mai Melepone Ausetalia ua tuua’ia i le mauaina o le silia i le 1.4 miliona o se totogi na tuuina iai mo se matāupu faaletulafono e ui e lē o ia o se loia.
Fai mai le 9News o le tama’ita’i e 42 tausaga le matua mai Surrey Hills na pu’eina e leoleo i le aso ananafi i le mae’a o su’esu’ega na faia.
Ua ta’ua o lea tama’ita’i o se tagata faigaluega i le ofisa o loo aofia ma sa ia faapea o ia o se loia peita’i e leai se faailoga tau le tulafono ma e leai foi se tusipasi faaletulafono i Ausetalia.
Ua lipotia faamatalaga mai leoleo e faapea e foliga sa faatino foi se faiga faapea i se isi ofisa loia sa iai i le 2019.
E 5 moliaga ua feagai mai ia i faiga taufaasese ma ua toe tatala i tua e faatali ai lona faamasinoga i le aso 16 o le masina nei o Fepuari.
Puna o Faamatalaga: https://www.9news.com.au/national/woman-charged-allegedly-pretending-to-be-solicitor-melbourne/7edadaf0-4817-4b4a-a29b-fde4c02dec92
