I le 489 o talosaga mai aiga, o pisinisi, o a’oga ma aulotu i le motu o Upolu sa fia maua se fesoasoani a le malo i le faaleagaina o a latou meatotino ona o faaletonu tau eletise i le tausaga ua mavae, o lea ua faailoa i auala o fesoota’iga a le malo le vaegatupe e tasi le miliona 977 afe tālā e faatino ai taui o meatotino sa faaleagaina.
O le aofa’iga e 489 o talosaga sa iloilo ua aofia ai le 396 o aiga sa talosaga i ni fesoasoani ma le 93 mai faalapotopotoga, o pisinisi ma a’oga.
O Mati o le tausaga ua mavae e oo i le masina o Aperila 2025 sa tula’i mai ai faaletonu tau eletise i Upolu ma āfaina ai meatotino ma mea aogā a nisi o aiga, o pisinisi ma a’oga faapea faalapotopotoga ma aulotu.
O meatotino na aafia o masini e ola i le eletise.
