Ua taatia le amata tufatufaina o le fesoasoani tupe ta’i 150 tālā mo le toe a’e o a’oga a le fanau, se’i faato’ā tufa pe a mae’a palota laiti a Safata 1 ma Vaisigano 2.
Ua faailoa lea faai’uga e le ta’ita’i o le malo le afioga i le Palemia i le sauniga ua sainia ai maliega mo le faamatuuina atu o vaegatupe o le tasi tesimale valu miliona mo le poloketi o le atina’e o nuu o itumalo faapalota e 51.
Faaalia e le Palemia, susuga Laaulialemalietoa Leuatea Polataivao Fosi ua faia lea faai’uga ina ia taofia ai ni faaseā ma ni tuua’iga faasaga atu i le malo e faapea ai ua faatino le faamatuuina o le fesoasoani e fai ma faatosina o palota laiti a Vaisigano 2 ma Safata 1 e faia i le vaiaso a sau.
Le afioga i le Palemia susuga Laaulialemalietoa Leuatea Polataivao Fosi.
