O le suiga mo le faiga o laisene avetaavale e amata ia Ianuari o le tausaga fou, 2027, e ono faafaigofie ai ona faia laisene mo le toatele o tagata Pasefika ua tele tausaga ona saofafa’i i laisene faata’ita’i poo learner licence.
O le mea lena ua taatele i tagata avetaavale Pasefika, o le māfua’aga taatele lava o le taugata o le tau e totogi.
O le suiga o le a iai, e lē toe faia se practical test poo se su’ega avetaavale ina ia e see ese ai mai le restricted ma maua lou full licence.
Mai le aso 26 o Ianuari 2027 o le a amata ai le faafaigofieina o nei suiga.
E lē toe faia ni su’egā avetaavale mo le full laisene, ae mo avetaavale talavou e le’i atoa le 25 tausaga le matutua, e tatau ona 12 masina e faaaogā ai o latou laisene faata’ita’i a o le’i aga’i atu i le restricted.
Ae mafai ona faaitiitia lena taimi i le ono masina, pe a faamae’a se a’oa’oga ua faamaonia, pe atoa le 60 itula o aveina le taavale a o iai se isi tagata full laisene e vaavaaia.
O le isi suiga o le a pa’ū le tau o le faiga o laisene.
O le a iai nisi faamatalaga atili mai le matāgaluega o fela’ua’iga i nei suiga pe a latalata i le taimi e fai ai nei suiga.
Puna o Faamatalaga: https://pmn.co.nz/read/political/licence-changes-could-finally-unlock-the-road-for-pacific-drivers
