Ua faailoa e le palemia o Ausetalia Anthony Albanese faamatalaga aupito lata mai o le su’esu’ega sa faia e le komisi i le fuafuaga, le robodebt scheme e pei ona faagaioia e le faigamalo talu ai.
Ua faailoa e Albanese i le alaata 7 ua iloa nei e lē sa’o le auala na aoina mai ai e le scheme lea le tusa ma le 750 miliona mai tagata e 381 afe ma o loo maumaua’i le malo i le taimi nei e sailia le moni o lea mataupu.
O le mataupu sa faia iai le faai’uga a le faamasinoga i le 2019 e faapea e solitulafono ae le’i manino lava se faamalamalamaga e le palemia i le taimi lea Scott Morrison poo ai tonu e tuua’ia a o ai foi minisita sa silafia lea faaletonu.
O se faiga sa faafetaui ai faamaumauga o le tagata mai le Centrelink poo le ofisa o le welfare faatasi ai ma faamaumauga mai le ofisa o lafoga ma iloa ai pe aitalafu le tagata i le malo ona tatau lea ona toe totogi.
Ua saunoa la le palemia i le asō o le aso 18 o le masina o Aperila o le tausaga fou 2023 e tatau ona oo atu iai ua tuuina mai le lipoti atoa o le mataupu lea mai le Komisi su’esu’e.
