Ua faailoa e Indonesia ua tapena nei lo latou atunuu e tuu atu le oo atu i le 8 afe o ana fitafita mo Gaza.
O le atunuu muamua lea ua faailoa le faia o lea fuafuaga i lalo o le Vaega 2 o le maliega mo le filemu i Sasa’e Tutotonu lea o loo taulamua ai Amerika ma sa sainia i le tausaga na te’a nei.
Faailoa e le faauluuluga o le ami a Indonesia, General Maruli Simanjutak, ua amata toleniga a ana fitafita ma o loo taula’i le latou auaunaga i togafitiga ma auaunaga tau inisinia i totonu o Gaza.
O Indonesia le isi atunuu ua auai ane i le Board of Peace a Trump ma o se tasi o tulaga e tatau ona faatino e pei ona faatonuina ane e le pulega a Malo Aufaatasi, o le faia lea o se Malosi’aga, International Stabilization Force poo le ISF e fesoasoan i tuaoi o Gaza e faamautinoa le saogalemu ma le aveesea mai o ‘au’upega mai le Hamas.
O le aso 19 o le masina nei ua faatulaga ai le ulua’i fonotaga a le Fono Faatonu lea poo le Board of Peace.
Puna o Faamatalaga: https://www.bbc.com/news/articles/cvgjwpx9j2do
