O loo iai le popolega o nisi o aiga e iu ina faaopoopo pea le aofai o nofoaga e tausia ai tagata matutua e tapunia ona o le tele o aitalafu a o talitali ai pea le taimi e maua ai fesoasoani na folafola ane o le koviti.

Ua faailoa i lipoti a le ABC i le aso ananafi ua tele nofoaga faapea ua feagai ma faigata i le taimi nei i le faaauauina o le auaunaga ona o le tele o luitau a o faatalitali ai i vaegatupe sa folafola ane e le faigamalo ua iai nei e kava ai le totogiina o nisi o a latou pili mai le taimi ua tuanai.

O le faamatalaga mai le totino e faauluulu iai auaunaga nei le Aged and Community Care Providers Association ua o latou ta’ua ai le faatuai i le maua o ia tupe ua afua ai le tele o le mau faaletonu.

O le popolega o nisi aiga ona o o latou matua o loo tausia ai i ia nofoaga o le a telē foi se fetuunaiga e manaomia ona faia pe afai ae tapunia nei nofoaga.