E foliga ua tau iai se faamāmā avega i le tau o taavale second hand poo taavale sa faaaoga, used cars i Ausetalia.
O le tausaga talu ai sa maitauina ai le taugata o taavale ia peitai o lea ua faailoa i lipoti i le vaiaso nei e 13 pasene ua faaititia mai ai le tau.
O le taimi o le koviti na amata vaaia ai le agai i luga o le tau o taavale ia aemaise ina ua tele ina faatuai mai le sapalai o taavale fou ona o le poloka i feoaiga a vaa.
Ua faamaonia mai e pulega o faletaavale ia o loo faatauina ai taavale ia ua le gata i Melepone ae o Sini foi ua faaitiitia le tau o used cars.
O se tasi faamanatu mai le au faatau taavale o le silasila lea i le warranty e sau ma le taavale ma ua tele foi tagata ua feagai ai ma luitau tetele ona o tulaga faapea.
