Na otegia e le matagaluega a le soifua maloloina le St John i lona faatagaina o le faipule a le National e aunoa ma sana faatagana.
E tolu masina lea e faapea na feoai ai le aufaigaluega a St John i taimi o le po ma feaveai Dr Shane Reti.
I se faamatalaga a le faipule e tauala i lipoti a le Newshub o lea lava sa alu e na te iloa ai itu o loo moomia ai le faaleleia aemaise o suiga ua tatau ona fai e saga faaleleia ai auaunaga tau i le soifua maloloina.
Ae mai le minisita o le soifua maloloina Dr Ayesha Verrall e le fetaui, ona e iai nisi o gasegase e le mafai ona iai se avanoa e tuuina mai ai la latou consent poo le faatagana faapitoa e mafai ai ona iai le faipule e le gata i totonu o le ambulance, ae faapea i le taimi e oo atu ai i fale o aiga.
O le faipule o ia foi o se fomai faaleaiga ma o se tasi na ta’ua o se observer aloaia ma St John.
O le lē fiafia tele o le matagaluega ia St John ua sau ai ma le tala o le a toe tusi se isi maliega e limataitaiina ai auaunaga a taavale ambulance.
