Ua manino mai i latou e to’avalu ua maliliu i le faalavelave i Kanata e pei ona lipotia atu ananafi i talafou.
E lua nofoaga na tupu ai le faalavelave, o se a’oga ma se fale i le taulaga o Tumbler Ridge i British Colombia.
E 27 isi tagata na faamanu’alia ai ma ua ta’ua o le to’atele o i latou ia o tagata e aumau i le komiuniti lea pe ā ma le 3 afe tagata e iai.
& Emmett Jacobs, 11
Photos: BBC
O i latou ua maliliu e aofia ai le tinā o le tama’ita’i o loo tuua’ia i le faalavelave ma lana tama tama e 11 tausaga, o i la’ua ia na maua i lo latou fale ua maliliu.
O i latou na maua ua maliliu i le a’oga e aofia ai tamaiti a’oga e to’alima e ta’i 12 ma le 13 tausaga le matutua, o se tagata faigaluega i le a’oga e 39 tausaga le matua.
O lē o loo tuua’ia e 18 tausaga le matua o Jesse Van Rootselaar ma o loo ta’ua i lipoti sa aafia i gasegase o le mafaufau.
Puna o Faamatalaga: https://www.bbc.com/news/articles/c0rjg9ddgkqo
