Ua saunoa le Palemia o Niu Sila o Christopher Luxon e tatau ona faatoese Donald Trump ia Barack Obama ona o lana post sa faia i le social media ua faaāta ai lē sa avea ma Peresetene o Amerika ma lona faletua, o ni apes ma e faailogalanu lea tulaga.
Ua lipotia e le RNZ o le video ua faaaogā ai le poto faaonaponei, le AI na aofia i ni tusitusiga a Trump i le social media ae na toe tapē ese i se taimi mulimuli ane ma tuua’ia ai se tasi o le aufaigaluega a le alii Peresetene.
I le faatalanoaga la a Luxon i le Breakfast show a le TVNZ na ia ta’ua ai e tatau lava ona faatoese Trump i le tulaga lea.
O nisi o le vaega a le Republicans ua auaufaatasi ma le Democrats i Amerika e tetee i lea post ma valaau ai ia Trump mo sana faatoesega.
E oo mai i le taimi o talafou e le’i faia lava se faatoesega a Trump.
Puna o Faamatalaga: https://www.rnz.co.nz/news/political/586309/pm-christopher-luxon-says-us-president-donald-trump-should-apologise-for-racist-obama-post
