I le lua tausaga sosoo o sola pea Samoa ma le manumālō o le pale o le Pasefiika o le tausaga e 2024 ma le 2025, ae ua lē o le tali lea o tapenaga o le tatou Tausala mo le tauvaga sa talimalo ai le atunuu o Fiti i le faai’uga o lena vaiaso ua mavae atu.
Ua faapaleina le tausala o Fiti i le Tausala o le Pasefika, tulaga lua ai le Tausala o Papua Niu Kini ae tulaga 3 le Tausala a Samoa le tama’ita’i o Iliganoa Feagaimaalii Soti Mapu.
Le Tausala o Samoa ua maua le tulaga 3 poo le 2nd Runner Up le tama’ita’i o Iliganoa Feagaimaalii Soti Mapu i sona finagalo faaalia ina ua mae’a le tauvaga sa sa’ili ai se Tausala o le Pasefika lea ua manumālō ai le tausala o le atunuu o Fiti.
O le Tausala o Tonga ua maua le tulaga 4 le 3rd Runner Up ae o le Tausala o le Atu Kuki i le tulaga 5 le 4th Runner Up.
E tele lagona faaalia o le atunuu i lo latou lē talia o le faai’uga peita’i o upu masani a le atunuu, e lē mua uma ni vaa.
Tatou tapua’ia le isi Tausala o le Pasefika i le tausaga fou 2027.
