E to’atasi si tamā mai Ōtorohanga lea na maliu ina ua tafea ese lana taavale i lōlōga i Waikato a o malaga mai le State Highway 39 i le Aso Faraile talu ai.
E tusa o le kuata e te’a ai le iva i le po o le Aso Faraile na logo ane ai e se tasi o le atunuu i auaunaga o loo gafa ma faalavelave faafuase’i lea faalavelave.
Na pa’ū ese le taavale a si nei tamā e latalata i le fetaula’iga ala o le State Highway 39 ma le Kiwi Rd i Puketotara, ma na ta’ua e leoleo, e maua atu lava si tamā lea ua maliu i totonu o lana taavale.
Faaleo e le pulenuu o Ōtorohanga, Mayor Rodney Dow le mafatia o le komiuniti i lenei tala faanoanoa ua oo atu, ma sa faailoa atu i si ona aiga, ma galulue foi leoleo e tuuina atu le fesoasoani talafeagai mo le aiga faanoanoa.
E lua ni taavale na lipotia le pa’ūū ai i lalo mai lea auala ina ua motu le auala mai le mamafa o lōlōga, ae na toe faasaoina le ola o le isi avetaavale, ae na maliu si tamā lea mai Ōtorohanga.
Puna o Faamatalaga: https://www.rnz.co.nz/news/national/586851/man-dies-after-car-submerged-in-floodwaters-in-waikato
