Fai mai leoleo Ausetalia e leai se sootaga o faalavelave e lua na faaaogā ai ni fana i le po anapo i le itu i Sisifo o Sini ma e na o le 50 minute le va o ia faalavelave e lua.
Ua faailoa e le 9News o se alii na savali ane i luga o O’Connor Street i Guildford i le po anapo poo le te’a o le 11 na afaina vae i se fana mai se taavale na alu ane i le alatele.
Na maua atu le tagata i se driveway i lea lava faaitu ma faia loa iai togafitiga ma ave atu i le falema’i.
Fai mai na fana ane mai le taavale na alu ane i le auala.
O le te’a foi lava o le 11 i le po anapo na tafana ane ai se fale e lata i le O’Neill Street i Guildford lava, na tafana ane mai se taavale o le Hyundai i30 ma e le’i iai se tasi na afaina i lea faalavelave.
Faatino su’esu’ega a leoleo ma maua ai mulimuli ane ni taavale se lua ua susunu i se driveway o se fale i Greenacre ma o loo faaauau i le asō sa’iliga a leoleo.
Puna o Faamatalaga: https://www.9news.com.au/national/two-shootings-in-western-sydney-within-one-hour/6c5e6f82-406a-48c3-8a39-1fd2d9f618d6
