Ua faamatala e le Purinisese o Uelese, Princess of Wales o Catherine le tulaga na oo iai i le gasegase o le kanesa, i se video na pu’eina ua tuu mai ai se fe’au loloto mo le faailogaina o le aso o le Kanesa i le lalolagi, le World Cancer Day e faamanatuina i le aso 4 o Fepuari i tausaga ta’itasi.
O le tama’ita’i purinisese ua 44 tausaga o lona soifua ma sa faamaonia le aafia i le kanesa i le lua tausaga talu ai ma ua ia faamalosi’au ia i latou uma o loo aafia i le gasegase ia silafia e lē na o latou o loo feagai ma mafatiaga ma e iai taimi e faalogoina ai le fefe ma le lē lava ae o loo iai foi taimi e malosi ai, lagonaina ai le agalelei ma le sootaga ma tagata.
O lea video ua tuuina i luga o le social media ma ia faailoa ai le tāua o le tausiga aemaise o le malamalama ma le faamoemoe mo i latou ua aafia ai.
Ua faailoa foi i le CNN sa faasoa ane foi e le tupu o Peretania, Tupu Salesa lana foi faigāmalaga ma le kanesa ma lana faafetai i le auaunaga faatino e foma’i faapitoa, tausi soifua, le ‘ausu’esu’e ma i latou e ofo fua le soifua e fesoasoani ai i le togafitia ma le tausia o tagata gasegase i le kanesa.
Puna o Faamatalaga: https://edition.cnn.com/2026/02/04/uk/princess-of-wales-message-world-cancer-day-intl
