O tagata Palesitina, atunuu Alapi ma kulupu e tetee ia Isaraelu ua o latou faailoa le lē lagolagoina o laasaga fou ua ioeina e le Kapeneta a Isaraelu mo le West Bank.
Ua mae’a folasia e le Minisita o Tupe a Isaraelu o Bezalel Smotrich gaioiga o le a faia e faafaigofie ai ona puleaina e tagata Iutaia laueleele o Palesitina ma ia ta’ua ai o le a faaauau pea ona o latou fasiotia le manatu o se setete Palesitina.
Ta’ua e le BBC o ituaiga faatulagana ia o mea e aumau ai tagata e solitulafono i le vaai a le tulafono faavaomalo.
Fai mai o loo faatalia le sainiga o lea laasaga e lē faatonu o le militeli a Isaraelu.
Faaleo e nisi tagata Palesitina i le lipoti lea lo latou fefefe i nei suiga ma o le a atili una’ia ai tagata ta’ito’atasi e faatau o latou eleele ma ua faaigoa e le Mahmoud Abbas le Peresetene o Palesitina, o nei laasaga poo gaioiga e mata’utia tele ma ua valaau ai ia Amerika ma Malo Aufaatasi ia vave ona fesoasoani ane.
Puna o Faamatalaga: https://www.bbc.com/news/articles/cvg5x2l3v0qo
