Ua iai lapata’iga ua faamatuu atu e leoleo i le asō mo i latou o loo fuafua e auai i solo tetee i le laumua o Ausetalia, Canberra, e faailoa ai lo latou tetee i le asiasi mai i Ausetalia o le Peresetene o Isaraelu, Isaac Herzog.
Fai mai le ta’ita’i leoleo i le ACT e latou te faaaloalogia le aiā tatau a tagata e tetee ai i auala filemu peita’i e iai gaioiga e soli ai tulafono ma avea ma lamatiaga i le saogalemū o tagata lautele, o tulaga la ia o le a tali atu lava iai malu o le malo.
Faailoa e le ta’ita’i leoleo o le a faaopoopo le aofa’i o le aufaigaluega e galulue i nofoaga e faia ai ia solo tetee.
Ua faamatuu ane ia lapata’iga i le mae’a o le tetee foi faapea i le Aso Sa na te’a nei i Sini na faataututū ai leoleo ma nisi o le autetee.
Ua faamanino e le ta’ita’i leoleo i tagata o loo tuufaatasia solo tetee ia faamautinoa e faatino i se gaioiga filemu ma ia usita’ia faatonuga a leoleo.
Puna o Faamatalaga: https://www.9news.com.au/national/isaac-herzog-protests-canberra-police-warn-of-major-presence/86a25425-c386-43b5-8b2f-2493f0e92b81
