Ua lipotia e lua ituaiga tali eseese o le a maua e le Peresetene o Isaraelu o Isaac Herzog i lona oo mai ai i Ausetalia i le vaiaso nei.
Fai mai le CNN o se faafeiloa’iga mafanafana mai le malo e faailoa ai o loo tutū faatasi ma le komiuniti o tagata Iutaia na aafia i le faalavelave i Bondi, atoa ai ma le faafeiloa’iga mai le ‘autetee o loo vaavaai ia Herzog o se tagata solitulafono i taua.
Valaaulia e le Palemia o Ausetalia o Anthony Albanese Herzog e asiasi mai i Ausetalia, o se gaioiga e faailoa ai le tutū faatasi o tagata Iutaia i Ausetalia, peita’i o loo matua’i lē fiafia iai le to’atele o isi tagata Ausetalia ona e ese foi le latou vaai i le oo mai o le ta’ita’i o Isaraelu ona o le tulaga e pei ona tula’i mai i Gaza i le taimi ua sola.
Ua ta’ua mai i le asō e tele nofoaga ua faatulaga ai solo tetee faasaga ia Herzog aemaise lava i fafo ane o le Town Hall i Sini fai mai e ono oo atu i le 5 afe tagata e lagolagoina Palesitina o le a auai ai.
Puna o Faamatalaga: https://edition.cnn.com/2026/02/07/australia/australia-israel-herzog-visit-intl-hnk
