Ua toe manumālō le Palemia o Iapani, Sanae Takaichi i le palota faatopetope poo le snap election sa faia a lona atunuu ma ua mautinoa ai ma le lagolago a le to’atele i lana vaega faaupufai le Liberal Democratic Party.
Ua faailoa mai e le CNN, i le mae’a ai o le faigāpalota na valaauina e le Palemia ua manumālō lana patī i le 310 o nofoa mai nofoa e 465 i le maota maualalo a le atunuu ma o se manumālō tele lea mo lana vaega faaupufai.
Faafetaia e Takaichi le aupalota mo le faatuatuaga ua tuuina ia te ia ma lana vaega faaupufai, sa ia faafetaia foi i luga o le upega tafa’ilagi a le X, le Peresetene o Amerika, Donald Trump ma lana lagolago mo ia, ma ia ta’ua ai ua leai ni papuipui o ni avanoa lelei mo sootaga a Amerika ma Iapani.
Puna o Faamatalaga: https://edition.cnn.com/2026/02/08/asia/japan-takaichi-snap-election-exit-polls-intl
