O tapenaga a le soākomiti mo le polokalame o le Sisigafu’a poo le faamanatuina o le Tuto’atasi o Samoa i le masina o Iuni, o le mae’a o le ulua’i feiloa’iga a le soākomiti o loo vaaia tuuga fautasi ma isi tuuga vaa i le amataga o le vaiaso ua faailoa ai e le ta’ita’i o le malo i le Palemia, ua fitu i le valu fautasi ua faamautū atu i le soākomiti o loo ta’ita’ifono ai le Sui Komesina o le Matāgaluega o Leoleo, Falepuipui ma le Toe Fuata’ina.
Ae mo isi tapenaga a lea lava soakomiti o le Aso Faraile o le vaiaso nei e fono ai foi ma sui o afio’aga, o kalapu ma ni faalapotopotoga mo le faamaopoopoina o tuuga vaa tulula ma paopao.
O le a toe fono ai foi ma sui o nuu, kalapu ma faalapotopotoga ua faailoa atu le fia auai i tuuga fautasi ma nisi fautasi o fia auai.
O le ofisa autū o leoleo i Apia e faia ai ia fonotaga ma feiloa’iga.
