Ua iai le fuafuaga a le Ministry of Social Development (MSD), o le a faaitiitia nisi o ana tagata galulue e leoina le saogalemu poo security guards i ona ofisa uma o le WINZ i vasega eseese o le atunuu.
E tusa ma le 20 na avanoa faigaluega o le a faamutaina i le masina fou, e aafia ai ofisa o le WINZ i faaitu i tua atu ma aai tetele o le atunuu, o le a tuu na o le 2 sikulati i se ofisa nai lo le 3 o loo iai i le taimi nei.
O loo matuā faitioina e le vaega o sikulati ma iuni o tagata faigaluega lenei fuafuaga a le MSD aemaise le mafaufau atu i le tulaga o le puipuiga saogalemū o nei ofisa, pe a toe tepa foi i le faalavelave lea na tula’i mai i le ofisa a le WINZ i Ashburton na osofa’ia ai ma fasiotia nisi o tagata faigaluega i lea ofisa i le tausaga e 2014.
O le tali mai a le matagaluega a le MSD e faapea, o lenei suiga e le o mafua ona o le faaitiitia o tupe alu, ae o loo sosolo lava i suiga ma le toe faatulagaina o faiga fou auā le puipuia o le saogalemū, e aofia ai le aumai o sikulati ia e masani ona tutū fafo ae o le a aumai i totonu o le ofisa e feofeoa’i solo ai ma māta’itū vaega uma.
Puna o Faamatalaga: https://www.rnz.co.nz/news/national/586479/ministry-of-social-development-set-to-cut-security-guards
