O Fono Faavae uma a itumalo palota o le atunuu e lē lagolagoina ma latou talia suiga fou ua pasia e le malo, o le a alu loa ai le poloketi.
O lona uiga e lē toe lavea i le faasologa o tufatufaga o tupe o le atina’e, ae o le a na o Fono Faavae a itumalo o loo lagolagoina le poloketi e masaa iai tupe mo le faatinoina o atina’e mo le manuia o tagata o itumalo.
O lea faai’uga a le Kapeneta ua muamua faia i le itumalo o Faasaleleaga 2, e māfua i le tumau pea ona teena o le filifiliga o le ta’ita’ifono o le komiti o le Fono Faavae lea ua toe seei ai lē sa avea ma Faipule o Faasaleleaga 2 i le paea’iga talu ai a le Palemene, le afioga Magele Sekati Fiaui.
Le afioga i le Palemia, susuga Laaulialemalietoa Leuatea Polataivao Fosi i le faailoaina o le faai’uga a le Kapeneta na taunuu iai i lana fonotaga i le Aso Lulu o lenei vaiaso.
