E faitau afe tagata na auai i solo tetee ma faapotopotoga sa faia i vaega eseese o le lalolagi i le faai’uga o le vaiaso e faailoa ai le tetee i le faigāmalo a Iran o loo iai nei.
Fai mai o se valaau mai ia Reza Pahlavi le atalii o lē sa avea ma ta’ita’i o loo faaaunuuesea i le taimi nei, ua afua ai ona aga’i ane i latou uma e lagolago iai.
O solo tetee i Munich, Los Angeles ma Toronto ua ta’ua na aupito to’atele ai tagata ese mai isi solo tetee na faia i Tel Aviv, Lisbon, Sini ma Lonetona.
Ua faailoa e lipoti a le BBC e silia i le 6 afe tagata na fasiotia i totonu o Iran i solo tetee sa faia faasaga i le faigāmalo ona o le taugatā o le tau o le soifuaga ma o loo faagasolo nei su’esu’ega i le maliliu o nisi foi tagata e to’atele i totonu lava o Iran.
Ua valaau foi la le autetee i le Peresetene o Amerika Donald Trump ina ia faamuta a latou feutana’iga ma Iran o loo faia e faatatau i matāupu tau niukilia ona o loo feutana’i ma ni tagata fasioti tagata.
Sa faailoa e Trump i le Aso Faraile talu ai i le autusitala atonu o le mea aupito sili mo Iran o le sui o le latou faigāmalo.
Puna o Faamatalaga: https://www.bbc.com/news/articles/czr0lykl4g4o
