Ua faamatuu ese nei e le kamupani vaalele a le Ea Niu Sila le manaomia ona faaali e pasese e malaga I totonu lava o le atunuu, o tulaga o a latou tui puipui pe ose faamaoniga foi o se negative test ao lei ulufale I se vaalele mo faigamalaga.

Ua faia lea faaiuga ina ua seenei Niu Sila ile lanu moli I lalo o le traffic light system ile maea ai o le faaliga mai le minisita o le koviti 19 Chris Hipkins ile aso ananafi.

Mai le aso muamua o Me ua faailoa mai o le a aveesea ele kamupani vaalele le latou polisi faaigoaina I le faaperetania, No jab,no fly mo ana paaga faavaomalo, o se faamatalaga lea mai le kamupani vaalele.

I le lanu moli ua iai nei , e manaomia talifofoga I faigamalaga ma femalagaaiga lautele, fai mai le ofisa sili o le kamupani, Greg Foran o le a fai lava ma toe Iloilo e le kamupani tulaga uma tau le saogalemu fua lava I le tulaga e iai le atunuu male lalolagi atoa foi I le faamai.

O ananafi na amata ai ona toe mafai ona faigamalaga mai Ausetalia I Niu Sila nei e aunoa mase faanofoesea.