O tagata na tipoti ane mai Amerika i le Atu Malasala poo le Marshall Islands o loo feagai ma faigatā i le tulaga o le soifuaga i aso ta’itasi ona o le faigatā foi ona talialelei e tagatānuu ma faigatā le soifuaga toe tau amata ua oo iai.
O le Marshall Islandds le isi atunuu mai le Pasefika lea o loo aofia i le gaioiga tele lea a Amerika i le aveesea o tagata mai fafo atu o Amerika, i latou e lē o iai ni faamaoniga e mafai ai ona aumau i Amerika.
Fai mai o le vaega a le ICE, Immigration and Custom Enforcement a Amerika na tapu’eina ma tipoti ane nai tagata ia i lo latou atunuu, o nisi ua tipoti ane ona o ni nai solitulafono laiti i matāupu tau taavale.
Na faatalanoa e le RNZ nisi o i latou ia ma o latou faailoa ai le faigatā ua feagai nei i le olaga ona o le umi o le taimi sa aumau ai i Amerika ae o lea ua toe faafoi ane i o latou atunuu ua leva ona tuua.
O le isi tulaga ua ta’ua e foliga ua faailoga i latou o ni tagata solitulafono ona o gaioiga a le ICE ma ua matua’i lagona ai le faigatā o le soifuaga i aso ta’itasi.
Puna o Faamatalaga: https://www.rnz.co.nz/international/pacific-news/586374/labelled-judged-and-far-from-home-marshallese-deported-by-ice-having-the-hardest-time
