Ua faataatia nei se suiga i le faavae o le atunuu o Nauru ina ia suia lona igoa.
Lipotia i le RNZ o le Peresetene o le atunuu David Adeang na ia faataatia le pili lea ua fuafua e faia ai lea suiga.
O loo ta’ua o le a sui mai ia Nauru ia Naoero ona fai mai a ia e ui o le igoa Nauru ua iloa ai le atunuu faavaomalo talu ona tuto’atasi peita’i o le suiga o le a faia e matua’i faamaonia ona faaaloalogia ai le tupu’aga, aganuu ma tagata o le atunuu.
Fai mai se pepa o faamatalaga mai le malo na māfua le igoa Nauru ona e faigatā ona faaleo e tagata mai fafo le igoa Naoero peita’i la ua tatau lava ona faasa’o.
Ina ia pasia i le Palemene e tatau ona ausia le ⅔ o sui faipule e lagolagoina ona aga’i lea i le sa’iliga o finagalo lautele o le atunuu i lea matāupu taua.
Puna o Faamatalaga: https://www.rnz.co.nz/international/pacific-news/586787/nauru-president-proposes-changing-country-s-name-to-naoero
