Fai mai e to’atasi si tamaitiiti ua uma lona ola ona o uiga loulouā o le tau e māfua mai i le afā o Urmil.
O le faigāmalo a Fiti ua o latou faailoa i le RNZ e le’i aafia le atunuu i le afā peita’i na āfua ai timuga mamafa ma savili malolosi.
Ua faailoa na maua ane lona tino mai se ālia i Namoli i fafo ane o Lautoka.
O ia nofoaga na aafia i le motusia mai ai o le eletise, aafia le sapalai o le suāvai taumafa, aemaise foi le faaleagaina o auala.
O loo ta’ua foi le faia o su’esu’ega pe ono tula’i mai ni aafiaga e pei o le faaitiitia o taumafa i vaega aafia ma ua ave foi le talosaga i le Palemia mo mea e fia faaleleia.
E 5 a’oga o loo tapunia pea i lea faaitu i le taimi nei a o faatino ai galuega faamamā.
E lē o ta’ua mai i le lipoti le matua o le tamaitiiti ua aafia ae o loo faia su’esu’ega.
Puna o Faamatalaga: https://www.rnz.co.nz/international/pacific-news/588716/fiji-government-confirms-a-child-s-death-after-severe-weather-from-cyclone-urmil
