Ua taunuu mai i laufanua o Ausetalia le ulua’i faigāmalaga o loo aumaia ai tagata Ausetalia sa poloka i malae vaalele i Sasa’e Tutotonu.
O Sini na faataunuu ane iai lea faigāmalaga a le Emirates i le po anapo ma ua molimau nisi o le pasese na poloka i Dubai, o se faigāmalaga sa matua’i faapopoleina ai lava aemaise i le taimi a o faatalitali i faletalimalo i atunuu na iai.
Faamatala e nisi molimau e le’i faatagaina i latou e feoa’i ae na o latou faalogoina le pa’ō ane o drones ma pomu sa to’ulu lalata ane i nofoaga sa faamautū ai.
Pe ā ma le 200 le pasese a lea faigāmalaga na aofia ai ma se kulupu o tamaiti a’oga mai Barker College sa poloka ai foi i atunuu i fafo.
E iai isi faigāmalaga ua amata faataunuuina ma ua mafai foi ona toe femalagaa’i atu tagata mo Lonetona ma isi vaega o Europa ae o loo iai lava isi faigāmalaga o loo taofia mo le taimi nei.
Puna o Faamatalaga: https://www.9news.com.au/world/how-to-fly-to-europe-from-australia-without-stopping-over-middle-east-explained/f9f0fe00-fa2d-48e8-853b-95e843c617ff
