O loo lipotia i le Sydney Morning Herald i le asō se tala faanoanoa i se tasi o alii sa taalo i le aulakapi liki a le Kiwi, le alii o Matt Utai, o loo tau faaola nei i se falema’i i Sini Ausetalia, e māfua mai se faalavelave tau laaumalosi na tupu i le itu i Saute i Sisifo o Sini i le vaveao analeila.
Ta’ua i le lipoti e tusa o le 6 i le taeao analeila na alu ane ai se valaau i auaunaga o faalavelave faafuase’i, i se faalavelave i Macquaire St i Greenacre, ma maua atu ai Utai i ona manu’aga mai se laaumalosi i lona fatafata ma lona vae.
Ta’ua e leoleo, o manu’a o Matt Utai, na fana ane e se tagata mai se taavale SUV na pasi ane i luma o se fale ma toe alu ese faavave.
O Utai ua 44 tausaga o lona soifua ma na fanau i Aukilani, ma e 167 taaloga o le taamilosaga a le NRL na taalo ai.
Sa taalo foi o ia i le ‘au a le Canterbury Bulldogs lea na manumālō i le NRL Premiership i le 2004.
O le tausaga e 2002 na amata ai ona taalo Utai i taamilosaga a le NRL.
Puna o Faamatalaga: https://www.nzherald.co.nz/sport/rugby-league/ex-kiwis-nrl-star-matt-utai-fighting-for-life-after-early-morning-sydney-shooting/ILJ2ZU3LT5CHDEY3UDVL3V2WDM/
