O le a faimalaga atu nei le ‘au ta’i toafitu a Niu Sila e aunoa ma le latou faiaogaulu mo le isi vae o le taamilosaga lakapi tai toafitu a le lalolagi, lea o le a faatino i Amerika.
I ripoti mai le leitio faavaomalo a Niu Sila, na faamauina ai ua lē mafai ona malaga le alii faiaogaulu ia Tomasi Cama i Amerika talu ai ni faafitauli i le visa e malaga atu o ia ma le ‘au.
Ua faamaonia mai ai e le pulega, ua le agai atu ai le faiaoga mo lea faamoemoe, ma ua tuai le taimi e toe faatino ai se isi talosaga mo se visa e ulufale atu ai i totonu o le Iunaite Sitete o Amerika.
Ma ona o lea faaletonu, o lea ua seei mai ai le alii o Willie Rickards o lē o fesoasoani i le galuega poo le assitant coach e na te tau’aveina le tofiga o le faiaogaulu a le ‘au mo lea malaga, ae mei mai le alii o Scott Curry i le tulaga o faiaoga fesoasoani
O le vae o loo faasolo nei i itu o Amerika, o le a faatino lea i Vancouver mai le aso 7-8 o Mati sosoo atu ai ma taaloga i Niu Ioka i le aso 14-15 o Mati.
Puna o Faamatalaga: https://www.rnz.co.nz/news/sport/588522/all-black-sevens-coach-left-off-plane-to-north-america
