E lua nisi maliega ua sainia e le Iunivesite Aoao o Samoa ma le atunuu o Saina ina ia maua ai avanoa tau a’oa’oga mo alo ma fanau a le atunuu.
Ta’ua i lipoti a le leitio faavaomalo a Niu Sila i le vaiaso nei, na saunoa le Minisita o A’oga a Samoa, Aiono Alec Ekeroma o le sainiga o ia maliega o se vaega tāua tele i le itu tau le a’oa’oga a Samoa.
I se pepa o faamatalaga mai le Iunivesite ua faailoa ai o maliega ua sainia i le va o le amepasa o Saina i Samoa o Fei Mingxing ma le sui faaao o le Iunivesite, Polofesa Tuifuisa’a Patila Amosa, ma ua maua ai avanoa sikolasipi mo le fanau i a’oa’oga.
Saunoa le amepasa o le sainiga o ia maliega ua o faatasi ma le Lantern Festival ua faailoga ai foi ma sea itulau fou i le sootaga o tagata ma tagata aemaise o a latou aganuu ma sootaga tau a’oa’oga i le va o atunuu e lua.
Puna o Faamatalaga: https://www.rnz.co.nz/international/pacific-news/588573/new-chinese-scholarships-for-samoans-a-significant-milestone-education-minister-says
