Ua talosaga ane Amerika ia Ukraine ina ia fesoasoani ane i le puipuiga o paaga a Amerika i le Gulf, puipuia mai osofa’iga a drones a Iran.
Faamatala e Zelensky i le BBC ua maua ane le talosaga lea mai ia Amerika ma ua mae’a ona ia faatonuina lona atunuu ia saunia mea uma e mana’omia mo lea talosaga.
Fesiligia Donald Trump i le tali ane a Zelensky, ta’ua e Trump o le taimi lenei e na te talia soo se fesoasoani mai soo se atunuu.
Sa faailoa foi se finagalo o Zelensky ua nofo sauni e fesuia’i a latou interceptor drones mo puipuiga i le ea a Amerika ia puipuia ai Ukraine mai ‘au’upega fana mamao a Lusia.
O loo iai foi popolega ina ne’i avea le taua i Sasa’e Tutotonu ma ala e aafia ai Ukraine pe afai e lē ano ane ana paaga ona o le taua fou ua amatalia.
O isi popolega ua alia’e o le ono faaitiitia o interceptor missiles ma le penefiti pea o Lusia i le siitia o le tau o le penisini, o i o loo faatupe mai ai le tele o ana osofa’iga.
Puna o Faamatalaga: https://www.bbc.com/news/articles/cr5llg0e9g9o
