Ua faailoa e Isaraelu ua o latou oo atu nei i le isi vaega e sosoo ai o le taua i Iran ina ua mae’a ona o latou faia osofa’iga e 2500 ia Iran, faaaogāina ai le silia i le 6 afe o ‘au’upega.
Ua saunoa le ta’ita’i’au o le ami a Isaraelu o Eyal Zamir o loo iai foi nisi a latou faapolopolo mo le lumana’i.
Ta’ua e Amerika ua mamao lava i luma le tulaga ua iai i latou ma le taua i Iran.
Ua ta’ua i le lipoti ua lē pasia le palota sa faia e faatatau i le faatapulaaina o malosi’aga o le Peresetene i matāupu e pei o le taua i Iran.
Faailoa foi o loo augatā nisi o atunuu mai Europa e auai atu i le taua e ala i le sapalai ane o fesoasoani tau militeli mo ana paaga poo allies.
I le itu tau femalagaa’iga ua silia i le 11 afe faigāmalaga ua faalēaogāina talu mai le aso 28 o Fepuari.
Sa faailoa foi e Donald Trump sa taumafai atu Iran ma le faamoemoe ia maua se avanoa e faia ai se maliega e faamuta ai le taua peita’i fai mai Trump ua fai si tuai ona o lea ua fia tau Amerika i le taimi nei.
E le’i faailoa ane poo ai tonu le tagata Iran na fesoota’i ane ae ua faailoa ua faaauau pea ona faaleagaina e Amerika si’omaga o Iran.
Mo le taimi nei ua amata lava ona faalogoina mālie aafiaga o lea taua i le lalolagi atoa i le tau o le penisini ua siitia faapea ma aafiaga tau femalagaa’iga.
Puna o Faamatalaga: https://edition.cnn.com/world/live-news/iran-war-us-israel-trump-03-05-26
