O i latou o loo mataituina le tau o le penisini ma le suau’u ua o latou lapata’i ane i le au fai taavale ma tagata uma e i’u ina siitia maualuga le tau mo le Pasefika ona o le taua i Sasae Tutotonu.
Ua lipotia le taofia o le feaveaiina o suau’u ma le sapalai e masani ona uia le Strait of Hormuz lea e i le tuaoi ma Iran ona o le vevesi o loo tulai mai ma o i e faaui ane ai le 20 pasene o le sapalai o le suau’u ma le kesi a le lalolagi atoa.
Ua faailoa la e se sui mai le MST Financial i Sini i le pasefika e le taumate o le a matua’i taugata le siitaga o le a ia i se taimi e le o toe mamao ma e ao lava ona nofo silafia.
Fai mai le lapataiga afai e le faalogoina lea tulaga i le taimi ae mautinoa e lagona i se taimi o le lumanai pe a oo ina amata faaitiitia le sapalai ma faaitiitia foi le suauu ma le kesi i atunuu.
Puna o Faamatalaga: https://www.rnz.co.nz/international/pacific-news/588562/a-global-energy-crisis-fuel-price-hike-looms-for-pacific-amid-middle-east-conflict
