O le faiaoga sa iai muamua a le ‘au a le Wallabies a Ausetalia, Dave Rennie lea ua mauaina le avanoa o le faiaoga mo le All Blacks i le agai atu i le isi Ipu o le lalolagi i le lakapi i le tausaga fou.
O Rennie, 62 tausaga o le soifua sa faalauiloa aloaia i le asō le avea o ia ma faiaoga o le ‘au lakapi a Niu Sila i le itupa o alii.
E le o faailoa maia le umi o lana konekarate i le lipoti a le RNZ ae ua mautinoa o ia lea o le aveina le au a Niu Sila i le ipu o le lalolagi i Ausetalia ia Oketopa -Novema 2027.
O Rennie sa faiaoga i le Wallabies mai le 2020-2023 ae na faamalolo e lei oo i le ipu o le lalolagi i lea tausaga. Ua sui tulaga nei la Rennie ia Scott Robertson lea na faamalolo i se taimi e lei mamao atu.
Puna o Faamatalaga: https://www.nine.com.au/sport/rugby/news-2026-dave-rennie-appointed-all-blacks-coach-wallabies-20260304-p5o7ci.html
