Ua filifilia nei e le Palemia o Ausetalia Anthony Albanese lana uluai faigamalo ma faatautoina i le aso. Ua faia le faai’uga ina ua faamaonia le maua e le Leipa o le 77 o nofoa ma ua agavaa ai e faatū se faigamalo a le Leipa lava ia.
O i latou ua filifilia mo le kapeneta e aofia ai le to’a 10 o le itupa o tamaitai ma o se aofaiga aupito maualuga lea o tamaitai ua filifilia i se kapeneta. O Richard Marles o le Sui Palemia ma le minisita o le puipuiga. O Penny Wong o le ta’ita’i o le senate ma le Minisita o le Va i Fafo. O Don Farrell o le Minisita o Fefaataua’iga ma Tulisi ma le sui ta’ita’i o le senate.
O Dr Jim Chalmers o le teutupe a o Katy Gallagher o le Minisita o Tupe, Auaunaga Lautele ma le Minisita o Tamaitai. O Tony Burke o le ta’ita’i o le maota ma le Minisita o Galuega, Mark Butler o le Minisita o Soifua Maloloina. Chris Bowen o le Minisita o Suiga o le Tau ma Malosiaga.
O Tanya Plibersek ua filifilia e avea ma Minisita o le Siosiomaga ma le Suavai. Catherine King o le Minisita o Femalagaa’iga ma Faigamalo Faalotoifale. Linda Burney o le Minisita mo Indigenous Australians. Amanda Rishworth o le Minisita o Social Services ae o Bill Shorten ua avea ma Minisita o le NDIS ma Auaunaga a le malo.
Brendan O Connor o le Minisita mo Polokalame Faaleaoaoga ma Jasion Clare o le Minisita o Aoga. O Julie Collins ua filifilia i le Minisita o Fale ma Pisinisi laiti. Michelle Rowland i le Minisita o Fesoota’iga ma Madeline King i le Minisita o Resources ma Ausetalia i Matu.
O faatoaga ma faigafaiva ua i lalo o le minisita o Murray Watt ma le Minisita o le Faasaienisi ma Auaunaga Gaosi oloa ua vaaia e Ed Husic. O Clare ONeill i le Minisita o Mataupu tau Lotoifale ma le Cyber Security.
