Ua laumanu’ia se isi palota laitiiti i le faato’ā tuana’i atu o isi palota laiti e lua, ina ua faailoa ai e le ta’ita’i o le malo le afioga i le Palemia i le fono masani ma tusitala, le faamavae o le faipule o Vaimauga 3 ma le vaega faaupufai e puipuia aiā tatau a tagata le afioga Taioaliiseu Fiti Aimaasu.
Ua faailoa e le Palemia o le ta’ita’i o le vaega faaupufai o le Faatuatua i le Atua Samoa ua Tasi, susuga Laaulialemalietoa Leuatea Polataivao Fosi, ua fia ulufale atu le sui faipule o lea itumalo e avea ma sui lagolago o lana patī faaupufai.
Le afioga i le Palemia ma le ta’ita’i o le patī faaupufai o le Faatuatua i le Atua Samoa ua Tasi, susuga Laaulialemalietoa Leuatea Polataivao Fosi.
O le toe usuia o le fono aoao faitulafono i le vaiaso fou ua faamoemoe e faailoa ai e le Fofoga Fetalai le faai’uga a le sui faipule o Vaimauga 3 sa tauva i le fu’a a le vaega e puipuia aiā tatau a tagata i le palota tele ia Aokuso o le tausaga ua mavae.
