E 73 tausaga o se tina avetaavale ua agai ane i leoleo i le asō ma faailoa iai o lana taavale na lavea ai le tamaititi tolu tausaga na uma lona ola i le po anapo ina ua tulai mai le faalavelavae lea i le faaitu o Sunshine North i Melepone.
Faailoa i lipoti a le alaata 9 i le asō na agai ane le tina lea i leoleo ma o loo faaauau pea le su’esu’ega ae o faamatalaga o le faalavelave mai le taeao a o tau sailia e leoleo le avetaavale sa ta’ua ai e ono iai se avanoa e lē o iloa e le avetaavale ua lavea se tamaititi ma talosagaina nisi e silafia ni faamatalaga ia fesoasoani ane i le su’esu’ega.
O loo fetaua’ina na momo’e faafuasei ane le tamaititi i le alatele mai luma tonu o se nofoaga childcare ma e to’atele nisi na molimauaina le faalavelave e aofia ai ma lona tina. Sa ta’ua e leoleo e lei tu le taavale na lavea ai le tamaititi ma o loo faagasolo pea nei su’esu’ega.
