O le tele o suiga ua iai nei le lalolagi aemaise i le va nonofo ai o atunuu o se itu sa fetufaa’i ai ta’ita’i o le malo o Samoa ma Niu Sila i le feiloa’iga a Palemia o atunuu e lua i lenei vaiaso a o talimalo Samoa i le asiasiga taualoa a le ta’ita’i o le malo o Niu Sila.
O ia talanoaga sa afea ai le feagaiga faauō poo le Treaty of Friendship ma ua faailoa ai e le Palemia o le tatou malo ua tapena nei ni suiga e teuteu ai ni vaega o lea feagaiga faauō.
E le’i faailoaina e le Palemia susuga Laaulialemalietoa Leuatea Polataivao Fosi poo ā tonu vaega o le a faia iai ni suiga ae o le tausaga nei e atoa iai le 64 tausaga talu ona sainia lea feagaiga.
O se finagalo o le Palemia susuga Laaulialemalietoa Leuatea Polataivao Fosi i le feiloa’iga ma tusitala.
