I se pepa o faamatalaga ua faailoa ane ai e Lepanona lo latou valaau mo le faia o ni faatalanoaga ma Isaraelu e faatatau i se fetuuna’iga mo tulaga tau le puipuiga ma le faamalosia o tuaoi ae o loo latou tuua’ia pea le kulupu a le Hezbollah i le faalataina o le atunuu.
Faailoa e le Peresetene o Lepanona o Joseph Aoun lana fuafuaga lea i se feiloa’iga na faia ma sui o le iuni a Europa e faaaogā ai fesoota’iga faaonaponei, na ia ta’ua ai lona faitioina o le Hezbollah ae faapea foi Isaraelu ona fai mai a ia ua leai ma se faaaloalogia e Isaraelu o tulafono o taua, aemaise i tulafono faavaomalo ma o osofa’iga a Isaraelu ia Lepanona ua leai ai ni mea e nonofo ai le silia i le 600 afe o tagata ma fasiotia ai le silia i le 400 e aofia ai tamaiti ma le itupa o tama’ita’i.
O lona tuua’ia o le Hezbollah ua ia ta’ua ai o loo fia manana’o le Hezbollah ia faapa’ū le faigāmalo a Lepanona i lalo o faiga faamalosi ma vevesi.
O le vaiaso na te’a nei na faalauiloa ai e le faigāmalo a Lepanona o gaioiga faamiliteli a le Hezbollah e faasolitulafono peita’i e lē o ia te i latou le malosi mana’omia e faato’ilalo ai lea kulupu, ua tālia nei la pe oo se feiloa’iga i le va o Lepanona ma Isaraelu.
Puna o Faamatalaga: https://edition.cnn.com/2026/03/09/middleeast/lebanon-president-israel-talks-hezbollah-latam-intl
