Ua tuuina e le faigāmalo a le Feterale le isi 230 piliona mo le fuafuaina o le high speed rail link i le va o Sini ma Newcastle.
Faailoa e le 9News o lea galuega tele o le a fesoota’i ai Sini ma Newcastle i totonu o le itula ma o le a fesoasoani tele i le tamaoaiga.
Saunoa ai le Minisita o Auaunaga ia Tau Femalagaa’iga o Catherine King, o le a folasia i se taimi e lē o toe mamao ae o lea poloketi o le a toe faatulaga lelei ai Newcastle, Hunter region faapea ma le central coast aemaise i le itu tau femalagaa’iga.
O le high speed rail lea o trains saosaoa faaonaponei e vave ai ona taunuu i se nofoaga e fia malaga iai.
O loo ua amata nei la fuafuaga o lenei poloketi ma ua ta’ua i le lipoti e tatau ona sauni e amata ai galuega i le mae’a o se 2 tausaga.
Puna o Faamatalaga: https://www.9news.com.au/national/highspeed-rail-australia-sydney-to-newcastle-link-to-be-shovelready-in-two-years-government-says/3776f232-1ad2-46bd-a731-85721758eafb
