Ua faia se faamatalaga a le ta’ita’i o Ukraine o Vladimir Zelensky i le BBC e faapea ua amata e Lusia le Taua Lona Tolu o le Lalolagi ma ua tatau lava ona vaoia lea tulaga.
Fai mai le BBC o loo faaauau pea le mau a Zelensky e tetee atu ia Lusia atoa ma lona talitonuga o le a faamae’a le taua i Ukraine ma le manuia mo lona atunuu e ui i le tele o le mau tulaga na tupu mai a o faia pea fetauiga.
E talitonu Zelensky o lea lava ua amatalia e Putin le Taua Lona Tolu o le Lalolagi ma pau le faiga e tatau ona faia ai o le toe tali atu iai o le militeli faatasi ai ma le unai ane o tulaga tau le tamaoaiga ina ia toe faasolomuli ai.
O le taimi nei ua taofia uma e Amerika le sapalai o mea tau militeli mo Ukraine ae o loo faaauau pea ona iai isi a latou fesoasoani o loo ofoina mo lea atunuu ma e faitau piliona foi tupe a isi atunuu mai Europa o loo faatau ane ai ‘au’upega mo Ukraine.
Puna o Faamatalaga: https://www.bbc.com/news/articles/cvgj9p15y87o
