Ua fa’aaoga e le ‘au gāoi le piriota lenei o le Kerisimasi ma aso fiafia e gaoia ai se tasi o faletupe i Siamani. Ua lipotia mai a itiiiti pe a ma le 10 miliona euro ua aveesea mai ai atoa ma meatotino tāua a nai tagata sa teuina i pusa teu oloa a le faletupe pei ona faamaonia mai e leoleo.
Fai ma na vili ni pu e le au gaoi i puipui ole faletupe ma gaoia ai le tele o pusa teu oloa ma se vaega tele o seleni.
O le tele o faleoloa ma faletupe e tapuni i le vaitau o aso malolo ma o le avanoa tonu lea ua fa’aaoga e le ‘au gāoi e faatino ai lea gaioiga i le afiafi a o lumanai le Kerisimasi, 24 o Tesema ae faato’a iloa e leoleo le mea ua tupu i le aso 29, le Aso Gafua o le vaiaso nei.
Faailoa le lē fiafia tele o paaga a le faletupe ma fesiligia le pulega pe faapefea ona saofia ia gaioiga a le ‘au gāoi.
O loo faatalanoa e leoleo molimau ma nisi sa vaaia ni ali’i o la’u ese mai ni tagapepa mai lea nofoaga i le Aso Toonai talu ai.
O loo faagasolo le suesuega.
