Ua faaleo le lē fiafia o le peresetene o Amerika, Donald Trump i le atunuu o Spain ona o lo latou le faatagaina o vaega’au a Amerika e faaaoga ona nofoaga faamiliteli e faia atu ai osofaiga a Amerika ia Iran.
Ta’ua e le BBC ole faamatalaga a Trump na faia ua faailoa ai le lē galulue faatasi ane o Spain ma latou ona o lea faaiuga na faia ma o le a faamuta loa e Amerika tulaga uma tau fefaatauaiga ma Spain.
E le o manino mai la pe o le a faatino moni e le faigamalo a Trump ia faatonuga ae pe o le a faapefea foi ona faatino lea tulaga.
Ua faailoa e le BBC ua faaopoopo atu ia faamatalaga a Trump i le faalēlelei o sootaga o iai i le taimi nei i le va o atunuu e lua e aofia ai foi ma le mataupu i le musu o Spain e taliaina le fai atu o Trump i pā’aga a le NATO ua tatau ona siitia le tupe e faaalu mo le itu tau le puipuiga a o latou atunuu.
O le finagalo faaalia o le taitai o Siamani Friedrich Merz i le mataupu lea na ia faailoa ai sa fai lana faamatalaga i le peresetene o Amerika o Spain o se vaega o le EU poo le Iuni a Europa ma e tatau lava ona aofia Spain i maliega tau fefaatauaiga uma e faia a le Iuni.
Puna o Faamatalaga: https://www.bbc.com/news/articles/c8r1mzd8vygo
