I le faai’uga a le Kapeneta e taofi le faamatuuina o le miliona valu selau afe tālā ia Faasaleleaga 2, ua faaalia e le Minisita o loo iai le vaaia o le poloketi miliona mo itumalo faapalota, e lē o tuua ai Faasaleleaga 2 i le silasila a le malo i le tatau ona maua o lea vaega tupe, lea o loo aofia ai ma le fesoasoani tupe o le toe a’e o a’oga le 150 tālā mo tagata uma.
Na fesiligia le Minisita le afioga Moefaauouo Julius Ah Kui Tafuna’i pe lē o toe silasila le malo e faamatuu na o le seleni e maua ai le selau limasefulu tālā mo tagata uma o lea itumalo, ae taofi isi seleni o le tufatufaga o le tasi tesimale valu miliona.
Le finagalo o le afioga Moefaauouo Julius Ah Kui Tafuna’i, le Minisita o loo iai le vaaiga o le poloketi miliona mo le atina’e manuia o tagata o itumalo palota e 51 o le atunuu.
