Ua iai popolega ma fesili pe faamata e ono lavasa’ia e Mexico ona talimalo i le Ipu o le Lalolagi i le soka, le FIFA World Cup ona o le tulaga faaleagaina o loo iai nei nisi vaega o le atunuu mai vevesi ua tula’i mai talu ona fasiotia le ta’ita’i o le New Generation Cartel o Nemesio El Mencho.
E silia i le 5 miliona tagata ua fuafua o le a faimalaga atu e auai i taaloga ia o le Ipu o le Lalolagi i le soka lea o loo talimalo ai Amerika, Kanata ma Mexico ma e amata lava i le malae i Mexico city i le aso 11 o Iuni.
Ua faailoa i luga o upega tafa’ilagi ata o nisi o mea ua faaleagaina i aai e ono i Mexico o loo to’atele ai sui o le cartel lea.
Faailoa e le Peresetene o Kanata o Claudia Sheinbaum ua mou mālie atu le vevesi i le taimi nei ma o le a leai se faamata’u i le aumatamata o ia taaloga ma e lē taumate o le a sologa lelei mea uma.
Ui i lea fai mai finagalo o nisi o Mexico i luga o upega tafa’ilagi, ailoga e oo atu i le taimi lea o taligamalo ua iai se filemu i le atunuu aemaise lava i faaitu o loo to’atele ai le aulagolago i le New Generation cartel.
Fai mai nisi e i’u ina oo atu i le taimi lea o taaloga ua faifaitetele fetauiga a le cartel ma vaega’au a le faigāmalo o loo iai nei a Mexico.
Puna o Faamatalaga: https://edition.cnn.com/2026/02/25/americas/world-cup-2026-el-mencho-mexico-intl-latam
