O se lipoti lata mai o le taua i Sasa’e Tutotonu ua faailoa mai e le CNN, le osofa’ia e se vaamaulu a Amerika se tasi o vaatau a Iran i le Indian Ocean poo le Vasa Initia.
Ua faailoa foi e Take poo Turkey e faapea ua fana i lalo e le NATO se ‘au’upega fana mamao a Iran sa aga’i atu i luga ane o lona atunuu.
Ua faailoa mai i lipoti i le asō o le a faaauau pea osofa’iga a Amerika i totonu o Iran ma e iai foi isi osofa’iga faaopoopo ua faia ane e Isaraelu i Tehran ma ua faaopoopo pea le aofa’i o tagata maliliu mai ia osofa’iga.
Fai mai o loo taula’i osofa’iga a Isaraelu i nofoaga tau militeli a Iran ma ua faailoa e Isaraelu e lē o iai ma se fuafuaga e taofia ia osofa’iga.
O le faamatalaga mai ia Trump ua faailoa ai o loo sologa lelei uma gaioiga a Amerika o loo faatino i lea taua ae e lē o manino ane foi i le taimi nei poo ai se isi ta’ita’i fou o Iran o le a tula’i mai ina ua fasiotia lo latou ta’ita’i i osofa’iga i le faai’uga o le vaiaso.
O loo iai isi lipoti ua ta’ua ai se fesoota’iga ua faia ane e Iran ia Amerika mo ni talanoaga e faamuta ai le taua peita’i e foliga e lē o toe fia talanoa Amerika i ni tulaga faapea.
Puna o Faamatalaga: https://edition.cnn.com/world/live-news/iran-war-us-israel-trump-03-04-26
