I se lipoti lata mai o le taua i Iran ua faailoa ai e le CNN le taumafai o le Peresetene o Amerika Donald Trump e aoao mai fesoasoani faavaomalo mo le faamautūina o le Strait of Hormuz.
Ua faailoa e Trump i lea lipoti ua ia mauaina ni tali lelei i le mae’a ai ona aapa atu i isi atunuu mo se fesoasoani ae o isi fai mai e sili ai pe a lē aofia i lea fuafuaga.
Ua faailoa e le cnn mo le taimi nei e le o ega’i ane isi paaga a Amerika e fesoasoani i le mataupu lea ma ua faasea ai Trump i isi e pei o le United Kingdom.
Ua mae’a faailoa foi e Trump i ona allies poo paaga o le a lē manuia se lumana’i e iai pe afai e lē fesoasoani atu ia Amerika.
I isi lipoti mai le taua ua ta’ua ai o loo maualuga pea le tau o le suāuu ma le kesi i le mae’a ai o osofa’iga i nisi o nofoaga o loo teuina ai le suāuu i le faai’uga o le vaiaso talu ai ma o loo faaauau pea lava foi osofa’iga i Sasa’e Tutotonu.
Ua faailoa e Iran o loo avanoa mo talanoaga ae e lē o sa’ilia foi e Iran se taofiga o fetauiga aemaise o loo nofo sauni foi e faaauau pea le taua i se umi e ono oo iai.
Puna o Faamatalaga: https://edition.cnn.com/2026/03/16/middleeast/us-israel-iran-middle-east-war-what-we-know-intl-hnk
