E to’atolu se auso ua pu’eina e leoleo i Norway ona o o latou sootaga i se faalavelave na tupu i fafo ane o le ofisa o Amerika i le laumua o lea atunuu o Oslo i le amataga mai o le vaiaso nei.
Fai mai le CNN e talitonu leoleo o le faalavelave na māfua i se device sa tuuina i le vaega e ulufale ai i lea nofoaga.
E itiiti mea sa faaleagaina ma e le’i aafia ai se soifua ae o le auso e to’atolu e pei ona lipotia pe ā ma le ta’i 20 ma ona tupu tausaga le matutua ma o ni sitiseni uma o Norway ae iai sootaga ma Iraq.
O le faamatalaga mai leoleo a lea atunuu ina ua feiloa’i ma tusitala ua ta’ua ai e masalomia sa fuafuaina e i latou ia e faapā ni pomu i se tulaga faatupu faalavelave.
Ua faailoa i le lipoti e le’i iai ni faamaoniga muamua e iloa e leoleo i latou ia mai nisi soligatulafono ma o loo faaauau su’esu’ega i lea matāupu i le asō.
Puna o Faamatalaga: https://www.bbc.com/news/articles/cx2grl7lrrmo
